أبرز الأخبارمقالات

ما زبطت معك يا جورج!/معن الأسعد

المحامي معن عدنان الأسعد:
هلأ بيطلع الحق على مدير المدرسة لأنو ما عطاك إفادة، متل ما عم يطلع الحق على المستشفى لأنو ما معك مصاري تفوّت ابنك المريض، ليش صاحب المستشفى أو المدرسة ما عندو موظفين وعائلات برقبتو وحقو انو ياخود قسط مدرسة او فاتورة؟
رح نشوف هلأ انزال بري جوي بحري على المدرسة واعتقال مديرها وتسابق القوى السياسية والقضائية والامنية على التنكيل بالمدير مع شن حملة اعلامية مقصودة ليطلع كل الحق على هل مدير.
لأ يا جورج ، انت ما حرقت حالك كرمال قسط المدرسة ، انت متت ابشع موته حرقاً لأنك كل يوم عم تموت الف مرة من الذل والقهر بلقمة عيشك ومحاولة تأمين رزق وكرامة عيلتك بسبب الأوضاع الاقتصادية يلي مسؤول عنها عصابة اللصوص الوقحة المذهبية الميليشياوية الفاسدة المرتهنة الظالمة التي تحكم وطننا.
دخلك يا جورج ، لو بدل ما تحرق حالك نقيتلك شي زعيم محرز كامل الدسم وحرقتلو بيتو او مكتبو او سيارتو بس على اساس انك مواطن فقير وهل مسؤول هوي السبب الحقيقي ورا قهرك وذلّك مش كنا هلأ شفنا الزعماء والمسؤولين في كل لبنان عم يهربوا اولادهم وزوجاتهم واصهرتهم على اول طيارة طالعة من لبنان خوفاً من شي جورج ثاني وثالث ورابع؟!
انت مش عارف يا جورج انو لو الشعب اللبناني كلو حرق حالو هل عصابة اللصوص الوقحة التي تحكم وطننا مش رح يرفلها جفن؟!
الله يسامحك، ما زبطت معك يا جورج، كان لازم تنتقم من يلي ذلّك وذلّ عيلتك بلا ما تنتقم من نفسك ومن عيلتك! .
يلا، الله يرحمك ويسامحك، خيرها بغيرها يا جورج.
لكل فرعون موسى وما حدا اقوى من الله عزّ وجلّ.
“محكمة”- السبت في 2019/2/9

مقالات ذات صلة

زر الذهاب إلى الأعلى
error: Content is protected !!